Земјотрес од 7,6 степени ги погоди Карибите
Силен земјотрес со јачина од 7,6 степени според Рихтеровата скала ја погоди областа северно од Хондурас во Карипското Море, објавија бројни меѓународни истражувачки центри.
Американскиот геолошки институт (УСГС) соопшти дека земјотресот бил на длабочина од 10 километри и бил со јачина од 7,6 степени според Рихтеровата скала.
УСГС додаде дека епицентарот се наоѓал на околу 200 километри југозападно од Џорџтаун на Кајманските Острови. Не се знае дали е причинета некаква штета.
Ова е најголемиот земјотрес во регионот од 2021-ва година, кога земјотрес со јачина од 7,2 степени според Рихтеровата скала го погоди Хаити, соопшти американската Национална океанска и атмосферска администрација.
Американскиот систем за предупредување од цунами соопшти дека по земјотресот е на сила предупредување за цунами во Карипското Море и северно од Хондурас, додавајќи дека не се очекува цунами на американскиот брег на Атлантикот или на Заливот.
Тој систем издаде и предупредување за цунами за Порторико и Девствените Острови.
This is how 7.4 Earthquake in Caribbean sea was felt in Honduras.
Second video is from Olanchito, Yoro, Honduras
February 08, 2025 #sismo #temblor #terremoto #zemljotres pic.twitter.com/X1JFTlLk7D— Disasters Daily (@DisastersAndI) February 9, 2025
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
