ВИДЕО: Над 600 загинати во силниот земјотрес што го погоди Авганистан

Министерството за внатрешни работи на Талибанците известува дека бројот на жртви од земјотресот во источен Авганистан е 610. Повеќе од 1.300 луѓе се повредени, пренесува Би-Би-Си, давајќи детали за разорниот удар со јачина од 6 степени по Рихтеровата скала кој ја погоди земјата.

Епицентарот на земјотресот бил на 27 км од Џалалабад, петтиот по големина град во Авганистан, и околу 140 км од главниот град Кабул. Службениците изјавија за Би-Би-Си дека куќите се срушени во областите близу до границата на Авганистан со Пакистан.

Областа е планинска со ограничени комуникации, што значи дека информациите се појавуваат бавно.

Локалните власти изјавија за Би-Би-Си дека стравуваат дека бројот на жртви ќе биде во стотици.

Додека продолжуваат потресите, спасувачките напори се комплицираат поради тесните планински патишта во регионот, од кои некои се блокирани од лизгање на земјиштето. Владата предводена од Талибанците побара помош од меѓународни организации.

Според Геолошкиот завод на САД, земјотресот бил регистриран во 19:17 часот по Гринич, на 27 километри источно-североисточно од Џалалабад, на длабочина од 8 километри.

Footage from Afghanistan’s 6.0 quake shows victims airlifted as rescue ops expand. Initial toll: 250 dead, 500 injured in Nangarhar near Pakistan border. pic.twitter.com/1dVDyY3J7S

— RussiaNews (@mog_russEN) September 1, 2025