Вардар поразен во Порто
Македонскиот ракометен шампион Вардар загуби во ракометната Лига на Шампионите на гостувањето против Порто со резултат 27-24.
Грешките во клучните моменти Вардар го чинеа пораз во продолжение од сезоната во ЛШ по СП во Египед.
Порто со атомска брза игра и пеколни контри ја казни секоја грешка на „црвено-црните“.
Нашиот шампион не успеа да ја искористи и блескавата партија на Борко Ристовски, кој заврши со 15 интервенции. За Вардар ова беше трети пораз по ред во ЛШ, пред гостувањето кај францускиот ПСЖ.
Најефикасен кај Вардар беше Тимур Дибиров со осум гола од осум обида, а Борко Ристовски имаше 15 одбрани. Русинот го следеа Јотиќ и Шеваљевиќ со по четири погодоци. Кај Порто Бранкињо постигна осум гола, пред Амадор со шест погодоци,Нашиот репрезентативец Никола Митревски за португалскиот тим имаше осум интервенции.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
