Трагедија: Снежна лавина потрупа пет скијачи во Италија, тројца загинаа

Лавина вчера погоди група од пет скијачи во северниот италијански регион Пиемонт, при што загинаа тројца од нив, соопштија спасувачите.

Двајца преживеале и со хеликоптер биле пренесени во болница. Лавината околу пладне ја погоди источната страна на планината Пунта Валгранде, на границата меѓу Италија и Швајцарија.

Лавината неколку стотини метри ги влечеше скијачите кои загинаа по удолницата, нанесувајќи им фатални повреди.

На подрачјето над 2.100 метри е издадено предупредување за „значителна опасност од лавина“.