Руските цивилни аердорми ги редуцираат летовите поради нападите на украинските дронови
Неколку цивилни аеродроми во Русија синоќа привремено ги редуцираа летови поради украинските напади со беспилотни летала во рускиот воздушен простор, соопшти Федералната воздухопловна управа „Росавијација“.
И аеродромот Пулково, во Санкт Петербург беше засегнат откако десетина украински дронови биле пресретнати на периферијата на градот.
Поради заканата од украинските дронови се редуцира и работата на аеродромите во Псков, Нижни Новгород, Казан, Волгоград и Нижнекамск.
Пред три дена авион со руски туристи принудно слета во Талин, Естонија наместо во Санкт Петербург поради украинските напади.
Поради украинските напади со беспилотни летови често е нарушен цивилниот авиосообраќај во Русија. Тоа е дел од стратегијата на Киев да ја ослабе руската логистика зад линијата на фронтот. Русија, поради нападите во првите месеци од годинава, повеќе од 200 пати привремено ги затворила аеродромите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
