Рекорден буџет за Бутел: Инвестиции во паркови, градинки и инфраструктура

Денес на седницата на Советот на Општина Бутел беше изгласан и донесен најголемиот, рекордно проектиран буџет кој некогаш го имала општина Бутел инфомираше преку социјалните мрежи градоначалникот Дарко Костовски. Тој посочи дека ова е развоен кој е наменет и исклучиво во служба на граѓаните.

„Со овој буџет издвоени се финансии за реализација на:

- Парк во населено место Радишани

- Пешачка патека покрај река Серава

- Детска градинка во населеното место Бутел 2

- Доуредување на речното корито на Река Серава

- Реконструкција на клучните сообраќајници во општина Бутел

- Реконструкција и ревитализација на голем број на помали сервисни улици

- Изградба на нова и реконструкција на постоечката атмосферска и фекална канализација

- Изградба на нови спортско рекреативни центри

- Нови детски игралишта

- Нови спортски игралишта

- Нов пешачки и пристапни патеки

- Поддршка на спортски клубови

- Спортски стипендии

- Субвенционирање на кровови и фасади

- Парична помош за пензионерите

- Зголемен број на финансиски средства за помош на социјално загрозени семејства

- Финансии за културни и спортски настани„ напиша Костовски

Тој дополни дека во овој буџет не се предвидени средства за репрезентација, патни и непродуктивни трошоци.