Поскапеа нафтата и златото

Светските пазари започнаа неделата во нестабилна атмосфера. Европските берзи бележат раст, додека цените на нафтата, златото и пченицата се искачуваат на повисоки нивоа. Несигурноста на Блискиот Исток, предизвикана од падот на режимот на Башар ал Асад во Сирија, се наведува како еден од клучните фактори за поскапувањето.

Според податоците на берзата, цената на суровата нафта се искачи на 68.008 долари, а цената на нафтата Брент на 71.854 долари.

Европските фјучерси за гас на отворањето на берзата ТТФ се продаваа по цена од 46.350 евра за мегават-час.

Цената на златото порасна на 2649,23 долари за унца, а на пченицата на 5,4293 долари за бушел (бушел е еднаков на 27,216 кг).

Вредноста на еврото во однос на доларот изнесуваше 1,05593, што е приближно исто како и во петокот.