Петмина мажи уапсени во Шпанија, обвинети за планирање терористички напади во неколку европски земји

Шпанската полиција уапси пет лица под обвинение за планирање терористички напади врз владини објекти во земјата, како и институции кои ја поддржуваат Украина во неколку европски земји, јавува Anadolu.

За време на акцијата, полицијата на Барселона уапсила двајца руски и белоруски, колумбиски и шпански државјани под сомнение дека се поврзани со терористичка организација, објавија локалните медиуми.

Сите петмина се опишани како „проруски терористи“ и се обвинети за планирање терористички напади во неколку европски земји, пишува „Ел Периодико“.

Уапсените наводно дејствувале по наредба на руски државјанин, чие име не го спомнала ниту полицијата во Барселона, ниту медиумите, и планирал терористички напади врз влади и институции кои ја поддржуваат Украина, особено во земјите членки на НАТО.

Петмината осомничени ќе бидат изведени пред Националниот суд во Мадрид под обвинение за тероризам и членство во терористичка организација.