Општина Центар додели еден милион денари помош за настраданите во пожарот во „Пулс“ Кочани
На предлог на градоначалникот Горан Герасимовски, Советот на Општина Центар на денешната седница донесе едногласна одлука за доделување финансиска помош во износ од 1.000.000 денари за рехабилитација на повредените и поддршка на семејствата што ги загубија своите најблиски во трагичниот пожар во дискотеката „Пулс“ во Кочани.
„Кога е најтешко, да си подадеме рака, да се поддржиме, да покажеме дека хуманоста и солидарноста се најголемата сила што ја имаме. Нашите мисли се со семејствата кои тагуваат и со сите повредени што се во процес на закрепнување. Им посакувам да останат храбри и да не се предаваат, нека знаат дека не се сами”, рече градоначалникот Герасимовски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа