Внимавајте каде паркирате - еве колку возила "лапна" пајакот вчера

Пајакот повторно „лапна" голем број автомобили кои непрописно биле паркирани на скопските улици. Со помош на специјалното возило биле отстранети вкупно 63 возила кои го попречувале нормалното одвивање на сообраќајот.

И полицијата постојано демне. Во текот на вчерашниот ден откри и санкционира 13 возачи коишто не го почитувале ограничувањето на брзината на движење, шест возачи кои поминале на црвено светло на крстосниците, две возила се исклучени од сообраќај поради утврдена техничка неисправност на возилото и двајца возачи се исклучени од сообраќај поради тоа што ги управувале возилата под дејство на алкохол.

Вчера се случиле вкупно девет сообраќајни несреќи на подрачјето на Град Скопје.