Не плашете се ако слушнете истрели: Ќе се изврши почесна артилериска стрелба во Скопје
Регионалниот центар за управување со кризи на Град Скопје, по добиеното известување од Министерството за одбрана и Генералштабот на АРСМ, ги известува граѓаните дека:
По повод 8 – Септември, ден на независноста на Република Македонија, ќе се изврши почесна артилериска стрелба:
На ден 07.09.2021 во 16:00 часот ќе се изврши пробна артилериска стрелба со истрел од 1 (еден) плотун од 6 (шест) артилериски орудија (хаубица 105 мм).
На ден 07.09.2021 г. во време од 18:30 до 19:00 часот ќе се изврши почесна артилериска стрелба со истрел од 10 (десет) плотуни од 6 (шест) артилериски орудија (хаубица 105 мм).
Артилериската стрелба ќе се изврши од касарната – Илинден во Скопје
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
