Град Скопје подготвен за Блек Фрајдеј - внимавајте каде паркирате и оставате кабаст отпад
Поучени од негативните искуства од минатите години за време на блек фрајдеј со голем број негативни примери за неправилно одложување на отпадот и непрописно паркирање, Град Скопје утре (29.11.2019, петок) ќе ги засили инспекциските контроли околу шопинг центрите во Скопје, информираат од Град Скопје.
„Градските инспектори за патен сообраќај ќе вршат засилени контроли во однос на непрописното паркирање на јавни површини, а комуналните инспектори ќе вршат засилени контроли во однос на неправилното одложување на отпадот. Согласно со правилата за третман на отпадот, амбалажата за пакување на големите производи (особено за бела техника) се третира за кабаст отпад и не треба да да се одлага во садовите за отпад, што беше честа појава изминатите години околку трговски центри за време на овие попусти.
Град Скопје ги потсетува потрошувачите за можноста овој вид на отпад да се одложи во Центрите за селекција во Карпош и во Вардариште, без плаќање паричен надоместок. Воедно, апелираме до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.
Центар за селекција на отпад Вардариште – локација:
Центар за селекција на отпад Карпош – локација:
https://www.google.com/maps/place/Reciklazhen+Dvor+Karposh/@42.0087859,21.3994899,408m/data=!3m2!1e3!4b1!4m5!3m4!1s0x135415bb1074b897:0x9eb79215fb9c4175!8m2!3d42.0087859!4d21.4001618“, стои во соопштението.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
