Не чекајте автобус на Југодрво - Изменети линии на автобуси во Скопје
Автобуската постојка Југодрво е вон употреба поради реконструкција на коловозот на булевар „Кочо Рацин“ и воведениот привремен режим на сообраќај, соопшти Јавното сообраќајно претпријатие „Скопје“.
ЈСП информира дека поради градежните зафати, автобуската линија 9 сообраќа по изменета траса во правец од Скопје Север кон Клинички центар, односно, автобусите по Бит-пазар вртат десно по булевар „Гоце Делчев“, лево по булевар „Филип Втори Македонски“ (од кај МНТ), кај Градска болница лево по булевар „11 Октомври“ (Зелен пазар) и десно преку булевар „Кочо Рацин“ продолжуваат по вообичаената траса.
Во правец од Клинички центар кон Скопје Север, возилата сообраќаат по својата редовна траса.
– Посочените измени ќе важат сè до обезбедување услови на терен за вообичаен режим на функционирање на јавниот превоз, наведува ЈСП.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
