„Еуролинк осигурување“ како дел од алумни- заедницата на правниот факултет „Јустинијан Први“ во Скопје

Во вторникот во просториите на Правниот факултет„Јустинијан Први“ при Универзитетот„Св. Кирил и Методиј“ во Скопје првпат се одржа донаторска забава на алумни-заедницата и заедницата на пријатели на Факултетот.

Донаторската забава беше наменета за собирање средства за модернизирање на студентските простории: читалницата, амфитеатрите, предавалните, сèво интерес на унапредување на условите за работа на сегашните и идните генерации студенти.

Над сто поранешни студенти на Правниот факултет, а сега веќе носители на политички функции, истакнати адвокати, нотари и извршители, успешни менаџери во приватниот сектор, се собраа на оваа забава за несебично да ја дадат својата поддршка во унапредување на условите за студирањето на сегашните и идни студенти, но и да се навратат на безгрижните студентски денови.

„Еуролинк осигурување“ какоистакнат поддржувач на образованието ја даде својата поддршка со 900.000 денари, додека претседателот на Надзорниот одбор на „Еуролинк осигурување“,г-ѓа Олга Костовска, лично донира 300.000 денари.