Им го украле камионот за ѓубре на скопски Комуналец
Камион за смет на Комунална хигиена Скопје бил украден додека бил на сервис, јавува СДК.
Според информациите, камионот бил украден од гаражата на сервисот додека тој не работел.
Од Министерството за внатрешни работи велат дека кај нив е пријавен овој случај и работат на негово расчистување.
„На 12 ноември е пријавено во полициска станица дека е одземено товарно возила марка ‘рено’ на 5 ноември во период од 20 до 21.20 часот на улица Трета Македонска бригада. Возилото не било заклучено, се работи на случајот“, велат од МВР.
ЈП „Комунална хигиена“ има само 26 камиони за собирање ѓубре низ скопските улици и булевари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
