Полицијата демне: Казнети 62. лица на скопските улици
Шеесет и двајца возачи во изминатото деноноќие на подрачјето на Град Скопје возеле побрзо од дозволеното, а шестмина биле под дејство на алкохол.
Според полицискиот билтен, во изминатите 24 часа се случиле вкупно 10 сообраќајни незгоди од кои во четири полесно се повредени пет лица, а во шест е причинета материјална штета.
Од сообраќај се исклучени пет возачи кои возеле пред да се стекнат со правото за управување со моторно возило и двајца возачи почетници. Исклучени од сообраќај се и седум нерегистрирани возила.
Сообраќајната полиција издала 80 казни за непрописно паркирање, а со специјалното возило „пајак“ подигнати се 62 возила.
Кај пешаците, шестмина не ја поминале улицата на обележан пешачки премин, а петмина возачи на мотор или моторцикл не носеле заштитен шлем.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
