Нов еко-автобус низ скопските улици

Новиот екоавтобус ќе сообраќа на релација Автокоманда-Сарај и обратно. Автобусот со број два денеска беше презентиран од градоначалникот на Град Скопје, Петре Шилегов, кој рече дека ова еко-транспортно средство видно ќе ги намали трошоците на Јавното сообраќајно претпријатие, а како што вели тој ќе придонесе за почист амбиентален воздух.

Со цел зачувување на животната средина, Шилегов најави и дека утре ќе биде објавен конкурс за субвенционирање на велосипеди, на кој ќе можат да аплицираат и лицата со телесен инвалидитет.

Првиот човек на Град Скопје, уверува дека интензивно се работи на изградба на велосипедски патеки.