Владата ќе гради нов Државен архив - „стариот“ протекувал и немал доволно канцеларии
Владата донесе одлука да почне постапка за изградба на нов објект на Државниот архив.
„На денешната владина седница беше разгледана и усвоена информацијата за надминување на проблемот со канцелариски простор и депото на Државниот архив, и по широките консултации и анализи на теренот, донесе предлог-решенија за решавање на ова прашање кои предвидуваат изградба на нов објект за Државниот архив“, соопшти Владата по завршувањето на седницата.
Владата го задолжи Државниот архив до конечната реализација на ова решение да спроведе постапка за санација за спречување на протекување на атмосферска вода во постоечкиот објект на кеј Димитар Влахов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
