Филип Миркуловски за 24 Ракомет ТВ: Ривалите ќе не гледаат со други очи во Вараждин

Еден од играчите кои секогаш го даваат максимумот на теренот, Филип Миркуловски за 24 Ракомет, коментираше за сето она што се случуваше досега на ЕП и за она што следува на следните средби, кои ќе се играат во Вараждин.

„Ние играчите и стручниот штаб верувавме во нашите можности и во добри игри. Се надевавме дека ќе успееме да постигне добар резултат. Можеби не очекувавме да бидеме први во групата, но успеавме да го оствариме ова. Ако досега бевме изненадување за противниците сега во Вараждин сигурно ќе не гледаат поинаку и сигурно нема да ни биде лесно“, изјави Миркуловски за 24 Ракомет ТВ.

Ракометарите денеска заминаа за Вараждин, но ќе имаат слободно од натпревари до недела. Првиот меч од втората рунда го имаат против Шпанија од 20:30 часот.

Комплетната изјава на Миркуловски за 24 Ракомет ТВ можете да ја проследите во продолжение.

Целото интервју погледнете го ТУКА.