Запрежни коли во Центар само после 22 часот
Градоначалникот на општина Центар, Саша Богдановиќ, оствари средба со командирот и претставници од одделението за превенција на полициската станица "Центар"
Договорено е продолжување на соработката и преземање заеднички акции, се со цел Центар да биде безбедно место на живеење. Ќе се едуцираат граѓаните како, особено пред новогодишните празници, кога општина Центар е центар на сите збиднувања и има најголема фреквенција на движење, да се заштитат возилата и домовите од кражби.
Особено внимание ќе се обрати на учениците и помладата популација, да бидат запознаени со опасностите од користењето на разни пиротехнички средства.
Посебен проблем во Центар е движењето на запрежни возила и затоа ќе се разгледа можноста за движењето на овие возила да биде по 22 часот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
