Инспектори од општина Центар денеска ќе вршат инспекција на три објекти
Инспектори од општина Центар по устен налог на градоначалникот Саша Богдановиќ, ќе вршат инспекција на три објекти - на приватен објект на Кале, приватниот објект позади стара „Томче софка“ и Градска куќа со хотелскиот комплекс, која порано беше во сопственост на Димитрис Кондаминас.
- Инспекторите проверуваат дали сопствениците на објектот на Кале имаат одобрение за градба и неопходна документација. Кај објектот позади стара „Томче софка“, не е истакната задолжителната табла со податоци за инвеститор и одобрение за градење, што е спротивно на законот. Од сопственикот и од инвеститорот на Градска куќа со хотелскиот комплекс, која е дел од проектот „Скопје 2014“, побарана е целосната документација, се вели во соопштението од општина Центар.
Оттаму посочуваат дека инспекторите врз основа на констатираната фактичка состојба ќе изготват решенија за натамошните постапки на општината.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
