Посебен сообраќаен режим за мечот Вардар - Фенербахче: Пајак ќе дига возила од овие локации
Посебен сообраќаен режим најави СВР за вечерашниот натпревар Вардар – Фeнербахче што ќе се одигра на националната арена „Филип Втори“ од 20 часот.
Од 14 часот часот ќе биде затворен за сообраќај на дел од улицата Аминта Трети, на потегот од крстосницата со „Јордан Хаџиконстантинов – Џинот“ до фудбалскиот стадион. На стадионот ќе се пропуштаат само возила со посебни пропусници.
Попладне ќе се преземаат мерки за расчистување и дислоцирање на затекнатите возила на сообраќајниците и на паркинг-просторите околу стадионот.
Полицијата апелира сите учесници во сообраќајот да ги почитуваат сообраќајните правила и прописи, а доколку дојдат на натпреварот со возила, за паркирање да ги користат околните дозволени паркинг-простори.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
