Вистинската зима допрва доаѓа - најавено е заладување
Времето утре во Македонија ќе биде сончево време со мала до умерена локална облачност.
Утринската температура ќе се движи од минус еден до минус шест степени, а дневната од седум до 14 степени.
Во Скопје ќе биде сончево време со мала до умерена локална облачност.
Утринската температура до минус три, а дневната ќе достигне до 13 степени.
До сабота по котлините ќе има услови за појава на утринска магла. За време на викендот ќе преовладува променливо облачно време со поврeмени локални врнежи од дожд, кои во недела на места ќе бидат со умерен интензитет. На повисоките планини врнежите ќе бидат од снег и температурите повторно ќе опаднат.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
