ФОТО: Избрани трите најубаво украсени дворови во Бутел
Во општина Бутел, утре во 11 чaсот, градоначалникот Петре Латиновски ќе ги додели наградите за трите најубаво украсени дворови, по повод новогодишните и божиќните празници.
Првата награда ќе му припадне на Денчо Јосимов за новогодишната креација со наслов „НОВОГОДИШЕН ПОХОД НА ДЕДО МРАЗ“.
Втората награда ќе оди во рацете на Сашо Тодоров за неговиот украсен двор во кој централна позиција имаат големите ѕвезди па оттука и насловот „ЅВЕЗДЕНО НОВОГОДИШНО НЕБО“.
Додека, третата награда ќе му биде доделена на Љубомир Костовски за дворот во кој доминира украсениот велосипед кој како да е подготвен за „НОВОГОДИШНО ПАТУВАЊЕ“.
Сопствениците на трите најубаво украсени дворови за новогодишните и божиќните празници, ќе бидат наградени со по 5 000,00 ден. а ќе добијат и специјални благодарници од општина Бутел.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
