Мицковски: 85 % од клиентите коишто се веќе тука се задоволни од бизнис климата

-Анализите што ние ги имаме правено зборат дека преку 85 % од клиентите коишто се веќе тука се задоволни од бизнис климата и функционирањето на нивните фирми во Македонија или еден нов бизнис којшто го почнуваат тука. Така што, најголем дел од нив веќе имаат одлучено да се прошират или се во фаза на тоа. Задоволството од таа бројка е многу значително, изјави во емисијата „Миленко Неделковски Шоу“ Горан Мицковски, министер за привлекување странски инвестиции, задолжен со водење и обезбедување на бизнис и инвестициски можности во Македонија.

Мицковски додава дека идејата со странските инвеститори е тоа да бидат самостојни фирми кои што ќе се менаџираат со домашни луѓе.

-Веќе имаме примери во „Џонсон контролс“ и повеќе фирми во кои менаџери се Македонците. Тоа е добро, тоа кажува за квалитетот на домашните менаџери и за довербата што овие фирми тука ја имаат дека тој бизнис тука ќе просперира, вели Мицковски.