Првата година со бебето мајките ја доживуваат најстресно - еве зошто

Секој искусен родител ќе  ви каже дека родителството е нешто најубаво што им се случило во животот и дека уживаат во таа улога, меѓутоа многумина новопечени мајки не би се сложиле со тоа. Исрпеност, замор и осаменост се зборовите со  кои најчесто ги опишуваат првите месеци од мајчинството. 

Ново истражување покжало дека првата година е многу исцрпувачка за многу мајки, и физички и психички. Дури 65% од испитаните мајки првите 12 месеци за грижата на детето ја опишуваат како „многу стресно“. 
Половина од нив велат дека не можеле убаво да спијат, збунети се, под стрес ги живеат тие месеци. 

Исто така студијата покажува дека третина од мајките прилично се збунети кога детето е болно и дека не знаат што точно треба да прават и како да го негуваат детето.