Ѓорчев: Тие што верификуваа резултат 500:0 сега кажуваат што се фер и демократски избори

Претседателот на владата, Никола Груевски, сите изминати години, со своите политики, со своите чекори, со својата одговорност беше со гостиварчани, а сега кога најмногу го напаѓаат, сега кога најмногу го клеветат, гостиварчани се со Никола Груевски, како и цела Република Македонија.

Ова пратеникот Влатко Ѓорчев, го изјави пред полната сала, на трибината во Гостивар која се одржа вчера.

-Јас се сеќавам а и вие се сеќавате, во таа 2004 година се одржуваа претседателски избори, за кои имаше втор круг. Резултатите во вториот круг на поширокиот регион на Гостивар беа 500:0, 700:0, 400:0, 450:0 на една кутија...и сега тие кои што верификуваа резултати 500:0 на една кутија ќе ни кажуваат што биле фер и демократски збори, запраша Ѓорчев.

Таа недела, потсети тој во Тетово доаѓале набљудувачите од ВМРО-ДПМНЕ сведочеле како ги бркале од избирачки места, им репетирале пиштоли, им се заканувале со авотмати.