Збогум зимо: Капутите во плакар - какво време не чека до крајот на месецот

Зимата заврши. Од почетокот на наредната недела можете конечно зимскиот капут да го спакувате и да го ставите во гардероба. Чизмите можеби ќе ви требаат уште малку, бидејќи кон средината на месецот се најавуваат слаби врнежи но едно е сигурно, а тоа е дека нема веќе да имаме температури во минус и снег.
Покачувањето на температурите нема да биде нагло, туку постепено.  До крајот на март се очекуваат температури кои ќе достигнат и до 20 степени во јужните делови на земјата.
Во Скопје се очекуваат максимални температури до 16 степени пред крајот на март.
Наредната недела ќе има разведрување и денови со многу сонце. Минималните утрински температури ќе се движат меѓу 2 и 6 степени а максималните од 12 до 20 степени.
Во седмицата кога и календарски треба да ја пречекаме пролетта, метеоролозите најавуваат ново наоблачување но не и спуштање на температурите. Најголема можност за поинтензивни врнежи има во последниот викенд од март.