Свечена заклетва на 165 војници во велешката касарна
Во касарната „Алексо Демниевски - Бауман” во Велес, денеска ќе се одржи свеченост по повод давање заклетва на војниците на доброволно служење на воениот рок од упатниот контингент „Февруари“ 2015 година.
Како што е најавено, заклетва ќе дадат 165 војници од дваесет и петтата генерација на доброволно служење на воениот рок, со кои обуката ќе ја реализира Центарот за индивидуална обука во рамки на Командата за обука и доктрини, во траење од три месеци.
На свеченоста ќе присуствуваат министерот за одбрана Зоран Јолевски, заменикот на началникот на ГШ на АРМ генерал потполковник Насер Сејдини, командантот на Командата за обука и доктрини полковник Љупчо Костовски, претставници од МО и ГШ на АРМ, претставници од локалната самоуправа, роднините на војниците и други гости.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
