Градоначалникот Трајкоски ја разреши директорката на ЈП Комунална дејност
Со решение од страна на градоначалникот на општина Дебрца, Игор Трајкоски, разрешен е директорот на Јавното Претпријатие за Комунална Дејност во општина Дебрца, Јасмина Мицкоска.
-Поради неисполнувањето на очекуваните резултати во претпријатието изминатиов период и реакциите од жителите на општина Дебрца градоначалникот на општина Дебрца е донесе оваа одлука. За ВД Директор назначен е Стојмир Велјаноски вработен во Јавното Претпријатие согласно законските одредби од законот за Јавни претпријатија, објавуваат од општината.
Во наредните денови од страна на градоначалникот ќе биде распишан Оглас за пројавување на интерес за функцијата Директор на Јавното Претпријатие на кој ќе се бара компетентна личност која ќе ги исполнува условите од Законот за Јавни Претпријатија на РМ и да одговори на потребите од граѓаните на општина Дебрца во однос на комуналната сфера.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
