Одбележување 143 години од раѓањето на Гоце Делчев

Градоначалникот на Град Скопје Коце Трајановски и претседателот на Советот на Град Скопје Ирена Мишева, по повод одбележување на 143 години од раѓањето на македонскиот револуционер, национален херој и великан Гоце Делчев, утре во 11 часот во црквата Св.Спас, ќе положат цвеќиња на неговиот гроб.

Официјална делегација од Советот на Град Скопје, утре во 12 часот цвеќиња ќе положи и на споменикот на Гоце Делчев на Плоштадот „Македонија“ и во 12:30 часот на споменикот на Гоце Делчев во Градскиот парк во Скопје.