Тодоров на терен: Ќе врши проценка на здравствениот ризик по поплавите

Министерот за здравство, Никола Тодоров, денеска со почеток во 12:30 часот ќе ја посети општината Чешиново-Облешево, каде ќе присуствува на состанокот на експерти од Кризниот штаб во општината, по настанатите поплави во ова подрачје.

Целта е да се изврши проценка на здравствениот ризик по настанатите поплави, односно да се процени можноста за појава на заразни заболувања кај населението, а воедно и да се потсети на препораките за спречување на можна појава на заразни болести, како и препораките за користење вода за пиење во поплавените подрачја.