Груевски: Вистината ќе излезе на виделина, спремен сум и ќе одговорам на сите прашања во судска постапка

Претседателот на Владата Никола Груевски во своето обраќање до граѓаните рече дека спремен е да одговори на сите барања во судска постапка, откако МВР денеска поднесе кривична за Зоран Заев за насилство, шпионажа и недемократско преземање на власта.

-Ќе одговорам на сите прашања во судската постапка која ќе биде јавна и транспарентна и за домашната и меѓународната јавност и ве повикувам да го следите случајот и да ги гледате доказите, да ги препознаете шпекулациите. Од денес ќе слушате секакви шпекулации, но вистината за се ќе излезе на виделина, рече Груевски.