Арсовска Томовска на Светскиот самит за мобилни апликации во Абу Даби
Заменик министерот за информатичко општество и администрација Марта Арсовска-Томовска од денеска до 3 февруари ќе учествува на Светскиот самит за мобилни апликации што ќе се одржи во Абу Даби.
Таа ќе се обрати на самитот на кој ќе се дискутира за мобилните апликации, поддршката на мобилната технологија и за други теми.
На самитот се очекува да се истакне улогата за користење на ИКТ претприемништвото со цел да се поттикне одржливото глобално информатичко општество и да се даде поддршка на милениумските развојни цели.
Светскиот самит ги избира и ги промовира најдобрите и најиновативните мобилни апликации од сите земји членки на Обединетите Нации, односно од претприемачите кои развиваат апликации со влијание врз глобалните општествени движења. Поднесените предлог-апликации од целиот свет ќе бидат оценувани од страна на жири комисија, со цел да се изберат најдобрите решенија за 2014 година.
Наградата на Светскиот самит беше иницирана во 2003 година, во рамки на Светскиот самит на информатичко општество на Обединетите Нации.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
