Велешките училишта нема да го поддржат штрајкот
Училиштата во Велес нема да го поддржат најавениот штрајк на СОНК, изјави денеска на прес-конференција градоначалникот на Велес Славчо Чадиев, кој го пренесе ставот на директорите на основните и на средните училишта во градот со кои денеска имал средба.
- Информиран сум дека во сите училишта во Велес наставата започнува на 20 јануари. Ова им го соопштувам на сите родители кои се интересираа и се јавуваа деновиве во Општината, рече Чадиев.
Тој соопшти и дека ако СОНК, сепак, одлучи да штрајкува, според законските решенија општината има подготвено замени за професорите кои ќе го поддржат штрајкот.
- Ако било каде се појави некаков застој, ние сме подготвени согласно Законот да најдеме замена за тие професори, рече Чадиев.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
