Јанакиески бара од Антикорупциска да го разгледа договорот за закуп за кој обвинува СДСМ

Министерот за транспорт и врски Миле Јанкиески, денес до Државната комисија за спречување на корупција достави, Барање за поведување на постапка за преиспитување на повреда на службена должност, во врска со наводниот случај кој го изнесе портпаролот на СДСМ, Петре Шилегов, а се однесува на закуп за куќа во Прилеп, наводно поврзана со Проектот за Рехабилитација и продолжување на канализационата мрежа во општина Прилеп.

-Бидејќи господинот Шилегов нема храброст и доблест да ги достави документите до Државната комисија за спречување на корупција што ги изнесе на прес конеренција за наводен скандал, уторово министерот Јанакиески тоа го стори, соопштуваат од министерството.

Во прилог до Комисијата, доставено е:

- Анкетен лист за пријава сопственост на семејната куќа во Прилеп

-  Копија од договор за закуп

- Допис до Управа за јавни приходи за склучен договор за закуп

Во продолжение следува соопштението од МТЦ

           Во случајов се работи за класичен облигационен договор за закуп помеѓу закуподавач и закупец во кој освен Законот за облигациони односи, испочитувани се сите законски одредби кои се однесуваат на спречување на корупцијата, законските одредби за персоналниот данок од доход.

 По кој знае кој пат го повикуваме Шилегов доколку има докази на наводен скандал да ги поднесе документите до Државната комисија за спречување на корупција, во спротивно да не манипулира и да ја лаже македонската јавност.

Наместо тоа да одговори матните зделки што ги правел тој лично и неговите шефови од СДСМ.