Каква е моменталната состојба на патиштата? - состанок на Координативното тело

Министерот за транспорт и врски Миле Јанакиески денеска по состанокот со координативното тело информираше дека сите магистрални и регионални патишта се проодни и нема застој во сообраќајот.

Во Вевчани имало краток испад на ниско напонска струја, при што проблемот бил саниран, исто така и во преспанскиот дел имало краток прекин на електрична енергија и министерот истакна дека за неколку часа ќе бидат санирани сите штети.

Синоќа најмногу снег паднало од првата патарина од Тетово до Кичево, а од УХМР информираа дека во наредните пет дена нема да имаме снежни врнежи.