Калиопи ќе ги забавува битолчани
Македонската поп-ѕвезда Калиопи ќе биде главниот гостин од домашната музичка сцена на плоштадот „Магнолија“ за време на дочекот на Новата Година во Битола.
Организираната забавно-музичка програма почнува претпладнево со изведба на четири детски театарски претстави, односно претставите „Работилницата на Дедо Мраз“, „Најубавата ноќ“, „Новогодишна приказна за Дедо Мраз“ и претставата „Земјата наопаку“, а ќе продолжи со вечерна програма во која меѓудругите ќе настапат и познатите Ламбе Алабаковски, Влатко Лозановски и точно на полноќ –Калиопи.
Од општина Битола порачуваат за време на забавата да не се користат пиротехнички материјали, петарди и друг лесно запаллив материјал и да се препуштат на богатата музичка програма на плоштадот „Магнолија“ организирана по повод дочекот на Новата 2015 Година.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
