ФОТО: Охрид блесна во новогодишно руво

Охрид блесна во предновогодишен сјај и според начинот на украсување градот годинава е рамо до рамо со познатите светски метрополи.

Светлечките реквизити поставени на плоштадот “Св. Климент Охридски“, кејот “Македонија“ и чаршијата се во единствена бела боја, а украсувањето е надополнето и со стари и репарирани новогодишни реквизити ѕвезди, петокраки, двојни петокраки, украсни и светлечки црева.

Новогодишната елка се очекува да биде поставена во текот на утрешниот работен ден со што би се заокружил процесот на разубавување и китење на центарот од градов.

Акцијата за поставување на светлечките  реквизити и новогодишното разубавување на Охрид започна пред околу една работна седмица и согласно планираната динамика и темпо на работа се очекува да заврши во следните два до три работни дена.