Пратениците со полни раце работа

Комисиите за труд и социјална политика, за здравство, за политички систем и односи меѓу заедниците, за транспорт, врски и екологија и Законодавно-правната комисија, денеска ќе одржат седници во Собранието на Република Македонија.

На седницата на Комисијата за труд и социјална политика на дневен ред е Предлог-закон за изменување и дополнување на Законот за пензиското и инвалидското осигурување по скратена постапка.

Комисијата за здравство ќе расправа по Предлог законите за изменување и дополнување на Законот за здравствено осигурување и Законот за здравствена заштита и двата по скратена постапка.

На дневен ред на седницата на Комисијата за политички систем и односи меѓу заедниците е Предлог-законот за изменување и дополнување на Законот за процена по скратена постапка

.Комисијата за транспорт, врски и екологија ќе расправа по Предлог- законот за изменување и дополнување на Законот за електронските комуникации по скратена постапка.

На Законодавно-правната комисија на дневен ред се предлог-законите за изменување и дополнување на Законот за процена, Законот за здравствена заштита, Законот за здравственото осигурување, Законот за пензиското и инвалидското осигурување и Законот за електронските комуникации сите по скратена постапка.