Попоски на 15. Самит на Франкофонијата во Дакар
Во наредните два дена министерот за надворешни работи Никола Попоски ќе земе учество на 15. Самит на Франкофонијата посветен на темата “Жените и младите, вектор на мирот и развојот“ што се одржува во Дакар, Република Сенегал.
На маргините на Самитот е предвидено министерот Попоски да оствари повеќе билатерални средби со шефовите на делегациите од земјите членки на франкофонскиот свет распространет на петте континенти.
Македонија е полноправна земја членка на меѓународната организација на франкофонијата од 2006 година споделувајќи го францускиот јазик и вредностите заедно со преостанатите 76 земји членки и набљудувачи на втората по големина светска меѓународна организација.
Овој висок форум, како што соопшти Министерството за надворешни работи, се состанува на секои две години.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
