По осум години повторно ориз на полињата во Зрновско

Со санацијата на левиот магистрален канал од Хидро системот  Брегалница, којшто е оспособен за дистрибуција на вода за наводнување на површините од јужната страна на река Брегалница, создадени се услови во општина Зрновци повторно да се сее ориз.

 

- Ваквата поволност ги поттикна земјоделеците од Зрновско повторно да го планираат оризот во сеидбените планови за наредната година.Тоа ќе овозможи подобрување на доходовноста и економската состојба кај нив, истакна Добре Митев претседател на Водната заедница од Зрновци.

 

Според Митев, во сеидбените планови за 2015 година во општина Зрновци е планирана сеидба на 337 хектари под ориз.

 

По пауза од осум години оризовите полиња во Зрновско повторно ке бидат насеани со ориз.