Голем скок на платите: Ако сте земале 40.000 од февруари платата ќе ви биде 50.000 денари

Над 800-тини специјалисти од скопските клиники ќе добијат зголемување на платите. Заклучно со февруари, примањата ќе им бидат поголеми за 24,92%. Министерот за здравство вели дека парите доаѓаат од заштедите направени со групните набавки во здравствениот сектор. 

Зголемувањето на платите ќе се изврши во два наврати, и тоа со исплатата на ноемвриската плата од 9,6 проценти и февруарската плата со вторите 9,6 проценти. Ако се земат предвид и 4-те проценти што ги доби веќе администрацијата со октомвриската плата, значи од февруари специјалистите од скопските клиники ќе имаат поголеми плати за 24,92%, изјави Никола Тодоров министер за здравство

Со последната спроведена централизирана набавка на лекови за ЈЗУ со овозможен паралелен увоз биле заштедени речиси 6 милиони евра на годишно ниво. Најголем дел од заштедата е на универзитетските клиники. Затоа, според Тодоров бенефит треба да имаат токму специјалистите.

Досега овие пари одеа во нечии џебови. но ние решивме да се спротиставиме на оваа појава, да ставбиме крај и со групните набавки заштедите да одат кај оние кои на плеќи ги носат најголемите работи, вели Тодоров

Тодоров потсети дека претходно зголемување на платите добиле и лекарите од секундарната здравствена заштита.