Експертите препорачуваат: Ставете зимски гуми

Зимски гуми и синџири за автомобили, џипови и на лесни камиони од утре, 15 ноември, ќе бидат задолжителни за патиштата во земјава. Стариот Правилник за зимска опрема важи и годинава, а се најавуваат и почести прегледи и казни за оние чии шари на гумите не се длабоки најмалку четири милиметри.  Доколку автомобилот е со летни гуми шарите мора да се со истата длабочина, но и да се носат и соодветни синџири во  багажникот.

 Експертите велат дека сепак е добро сите возачи што се во можност да набават зимски гуми . Нивниот состав  ја подобрува ефикасноста на сопирањето и го намалува патот на кочењето, со што ја зголемува и сопствената, како и безбедноста на другите учесници во сообраќајот.

Зимските гуми имаат значително подобро прилагодување на патот и пократок пат на кочење, благодарение на подлабоките шари. Се одбираат гуми што се соодветни на патот, се набавуваат во специјализирани продавници со сервиси каде што се гарантираат монтажата и квалитетот на производите