ФОТО: Средба на Ахмети со претставници од ЕУ

Денес во Тетово, Претседателот на Демократската Унија за Интеграција,
г-дин Али Ахмети, го пречека Едвард Ауер, Новиот Директор на
Директоратот за Западен Балкан на Советот на ЕУ и г-дин Јоханес
Viereck, одговорен за Македонија во респективниот Директорат на ЕУ.

На пријателската и отворена средба беа третирани политичките
актуелности, Евроатлантска интеграција и меѓуетничките односи.

Претседателот Ахмети му посака успех и добро здравје на г-дин Ауер во
неговата нова задача нагласувајќи ја блиската и успешната соработка со
сите негови претходници.

Директорот Ауер го изрази исто така оценувањето на Брисел за важната
конструктивна улога на г-дин Ахмети за стабилност во текот на сите
овие години. Г-дин Ауер исто така, му го предаде на г-дин Ахмети
прошталното писмо на поранешниот Комесар за Проширување г-дин Штефан
Филе во кое, меѓу другото г-дин Филе, пишува: "Го ценам вашиот личен
придонес за подобрување на односите меѓу заедниците како и вашите
конструктивни напори за да ја движите вашата земја кон ЕУ".

Говорејќи за значењето на Евроатлантските интеграции, Претседателот
Ахмети нагласи дека овој процес има исклучителна важност за мирот,
стабилноста и безбедноста во земјата, но и за оддржливи меѓуетнички
односи меѓу заедниците. Албанците се определени за интеграција во НАТО
и ЕУ и отекуваат ова да се оствари во најкус можен рок, затоа
Претседателот Ахмети ги повика новите власти во Брисел да ни помогнат
во овој поглед што поскоро.

Г-дин Ахмети исто така, зборуваше за разликите во толкувањето на
обврските од Охридскиот Договор и Уставот на земјата како и за
потребата сите заедно да го прифатиме духот на Охридскиот Договор.

И на оваа средба, Претседателот Ахмети ја повика опозицијата да се
врати во Парламентот и да го даде нејзиниот придонес за подобрување на
политиките на земјата.

Претседателот Ахмети зборуваше и за случајот Монструм и потребата за
одржување на транспарентен судски процес со нагласен меѓународен
мониторинг со цел да се зголеми кредибилитетот на судството, за кое
беше создаден впечаток дека во одредени случаи одлучува селективно.