Напад со нож во Амстердам, најмалку петмина повредени
Најмалку пет лица се повредени во напад со нож што се случи во близина на плоштадот Дам во Амстердам, соопшти полицијата.
Според првичните информации, една личност е уапсена, но мотивите за нападот сè уште не се познати.
Локалните медиуми јавуваат дека полицијата го блокирала подрачјето околу улицата Синт Николаштрат и самиот плоштад Дам. На снимките објавени на социјалните мрежи се гледа како хеликоптер слетува на плоштадот, додека повредените лица се пренесуваат во болница.
Нападот се случил нешто пред 15:30 часот по локално време. Според весникот De Telegraaf, на местото на настанот пристигнале најмалку 14 полициски возила и еден полицаец на мотор во рок од 15 минути.
Плоштадот Дам е едно од најпосетуваните места во холандската престолнина, лоциран во историското јадро на Амстердам и опкружен со знаменитости како што е Кралската палата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
