Кочанчани вечерва обединети во болката: Ѕвездено небо и светлина за 62 ангела
Под мотото „62 ангела – вечна светлина во нашите срца“ вечерва во „Паркот на Револуцијата“ во Кочани се одржа настан во спомен на загинатите во „Пулс“, несреќа со 62 починати, претежно млади и над 200 повредени.
Се палеа свеќи во форма на крст и срце во чест на починатите, а околу 21 часот во воздух одлетаа 62 балони со имињата на жртвите, по што присутните граѓани со мобилните телефони направија ѕвездено небо и испратија светлина кон височини за 62 згаснати животи.
Палењето свеќи за помен на починатите 62. млади животи ќе трае до полноќ.
Овој настан имаше комеморативен и хуман карактер, беше чин на љубов, почит и сеќавање. Кочанчани се обединија во болката и во љубовта кон оние кои секогаш ќе живеат во нивните срца.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
