Израел: Избодена до смрт жена, жртва на терористичкиот напад во Херцлија

Постарата жена која беше избодена и тешко ранета во терористички напад во градот Херцлија, Израел, им подлегна на повредите, соопштија денеска израелските здравствени власти.

Од болницата во Тел Авив, каде што била пренесена, велат дека жената имала 80 години и била избодена повеќе пати.

Напаѓачот бил застрелан од обезбедувањето во близина и приведен од полицијата, пишува „Тајмс оф Израел“.

Неговата состојба засега не е позната.

Полицијата соопшти дека истрагата е во тек и дека комесарот Даниел Леви се упатил на местото на терористичкиот напад.