Двојно убиство во Будва, ги убил братот и внукот

Полицијата го уапси В.С., кој е осомничен дека ги убил својот брат С.С. и неговиот син утрово во Будва.

Двојното убиство се случило во бар на плажата Словенска.

Според „Вијести“, во полицијата во Будва било пријавено пукање околу 8 часот утрово на улицата Словенска Обала. Полициските службеници веднаш излегле на местото на настанот, го пронашле осомничениот, пронашле огнено оружје и го уапсиле осомничениот.

Според неофицијални информации од „Вијести“, на трагедијата наводно ѝ претходела расправија околу превозот на патници со брод.