Дебакл на Вардар: Веспрем ги потопи „црвено-црните“

Поранешниот европски и македонски шампион Вардар го загуби првиот натпревар од осминафиналето во Лигата на шампиони (ЛШ) од Веспрем со 22-30.

Вардар имаше блескави моменти на мечот и водство од четири голови во првото полувреме (9-5), кое сепак му припадна на гостинскиот состав со 15-11.

Македонскиот тим не ги искористи своите шанси во нападот, а тоа знаеше како да го искористи Веспрем кој на крајот запиша убедлива победа од 30-22.

„Црвено-црните“ ќе имаат пеколна задача да го поминат ова коло во ЛШ затоа што нивниот голем ривал си оди од СЦ „Јане Сандански“ со осум голови предност.